Dantzatu mingaina!
Dantzatu mingaina!
(2010-07-29 22:15 gernikako berbalagun)
Irakasleen aginduetara lehenengo egunean modeloa aukeratu, oihala moztu eta ....
... bainikak egiteko hariak ateratzen ibili ginen.
Hariak atera eta berriketa gozoan batzuk, galdetu bestela Murieli, Saioari, Junkali eta Maitzari.
Irakasleak adi, nork zer galdetuko, erantzuteko prest. 
Oihalaren kolorea ere norberaren gustuaren araberakoa: urdina, berdea, zuria, granatea, ...
Hemen ikasle aurreratuenak bainikak egiteko txuleta eta guzti. Bego eta Xiomara den-dena kontrolpean duzue? Zuok behintzat amantala atoan egingo duzue...! 
Azken egunean, hondartzara joan ez zirenek, Iparragirre bera ere inbiditan ipini zuten, eurek egindako amantalak kale erdian ikusgai jarri zituztenean. (Seguruenik amantalei buruz ari da kantuan) Izan ere horiek bai amantalak, horiek! Onenak zarete.
(2010-07-27 09:02 egizu)
Zuetako askok bizikleta duzue etxeko ganbaran gordeta eta denbora dela, lana dela edo nagia dela ia inoiz ez duzue erabiltzen. Hori aldatzeko proposamen interesgarria dugu zuentzat.BIZIKLETA-TALDEAZer da? Zertarako da?(Berba)lagun: askotan esan diguzu bizikleta duzula, baina lana dela, nagikeria dela, edo bestea dela, ia ez duzula bizikleta hartzen urte osoan zehar eta bizikleta ganbaran nola hankak ere horrela herdoiltzen zaizkizula. Hori konpontzeko, jende berria euskaraz ezagutzeko eta eskualdea eta inguruak goitik behera ibiltzeko talde hau sortu nahi dugu, mihiari eta hankei goroldiorik ez lotzeko.Noiz hasiko gara?2010eko urrian hasiko gara eta 2011ko ekainera bitartean (ikasturtean zehar) egongo gara, beti hileko lehen larunbatean, 9:00etan hasita.Non lotuko gara?Beti irtengo gara Algortako metro-plazatik, Telletxetik.Zer egingo dugu?Ikasturtearen aurretik irteeren egutegi bat prestatuko dugu denon ekarpen eta ideiekin, eta egutegi horretan agertuko dira ikasturtean zehar egingo ditugun irteerak, bakoitzaren ibilbidea eta kilometro-kopurua. Eguraldiaren arabera eta bestelakoen arabera irteera eta ibilbide horiek moldatu edo aldatu ahal izango dira, jakina.Ibilbideen ezaugarriak:Inguruetan. Abiapuntua beti izango da Algorta eta, horregatik, oso urrun ez gara joango; batez ere Uribe Kosta, Ezkerraldea, Meatzaldea, Txorierri, Bilbo aldea eta Uribe-Butroen ibiliko gara. Ez oso luze, ez oso zaila. 2-4 orduko txangoak izango dira (25-40 kilometro) eta aldapa gogorregiak saihestuko ditugu. Hori bai, talde hau izango da apur bat ?baina ez gehiegi? sasoiko daudenentzat. Beraz, badakizu, hiru hilabete dituzu aurretik pilak jartzeko eta ibiltzen hasteko! Lehiarik ez. Hau ez da lasterketa izango, ez dago irabazlerik, denok elkarrekin eta suabe-suabe, konpainiaz eta bidaiaz gozatuz.Bide lasaiak. Lehentasuna izango dute trafikorik gabeko edo trafiko gutxiko bideek, etaerrepide nagusiak ekidingo ditugu.Barne-turismoa, euskaraz, konpainia ezin hobean. Uste duzu ondo ezagutzen duzula zure herria, eskualdea eta inguruak? Txoko eta bide berriak deskubritu nahi? Jende jator euskaldunarekin kirol apur bat egin gura duzu? Bizikleta prestatu eta animatu, hauxe duzu aukera!Nola eman izena?Telefonoz: 685 732 963 (Lander)Posta elektronikoz: egizugetxo@gmail.com2007an Bardeetara egindako txangoaAitzakia badugu entrenatzen hasteko: irailean Ungari mendi-taldeko lagunekin batera Bardeetara joango gara. Orain dela urte batzuk asteburu pasa egin genuen bertan, eta hementxe dituzue argazkiak.(2010-07-27 08:42 egizu)
Iņaki Muniategi berbalagunak egindako argazkiakAurten ere berbalagunak Bizarra Lepoan euskara elkartearen toldoan ibili gara. Garbi paella sukaldari sonatua eta Josu pintxea aritu dira paella erraldoia prestatzen. Oso gustura egon gara bertan: euskararen tribialean, umeen jolasekin, Tor magoaren ikuskizunarekin, kantuan Josu eta Gabirekin...Datorren urterako ideia pare bat dugu martxen jartzeko, ea hurrengoan ere elkar ikusten dugun! Eskerrik asko denoi eta oso ondo ibili jaietan.(2010-07-26 15:54 Gasteizko mitzalaguna)
Hainbat kontu hobe kantuz esan…
Ongi dakite hau Euskal Herriko seme-alabek eta horren froga dugun abesti eta kopla andana da. Ezagutu eta batez ere kantatu nahi?
Berotu eztarri horiek!!
(2010-07-26 15:23 Gasteizko mitzalaguna)
TRABOULES KONPAINIAren eskutik…
“Conte de Singesse/Tzimi”
UZTAILAK 31, LARUNBATA
19:00etan Posta plazan
Jende ororentzat
35 minutuko 3 saio
Gizon batek txotxongiloa sortu du; pittaka-pittaka, panpina pizten da, eta ihes egiten dio…
Solasean jolasean, autu-mautuan, sortzaile eta sorkari elkarren irudi iduri…
Zeinek zein du nagusi? Galdera existentzial hori oinarri, umorea eta filosofia bidelagun, hainbat eta hainbat gai aipatzen dituzte bi adiskideek: bizitza, heriotza, bertzeak, boterea….
(2010-07-23 11:37 Gasteizko mitzalaguna)
EUSKARAZKO MARRAZKI BIZIDUNAK ONLINE IKUSTEKO ETA DESKARGATZEKO AUKERA ORAIN
ADI!! Euskarazko marrazki bizidunen bilduma sarean eskuragarri baituzue!
Pelikulak, trailerrak, telesailak… denetarik eta doan!
http://marrazkiak.99k.org
http://marrazkiak.zxq.net
http://marrazkiak.zzl.org
(2010-07-20 11:32 zaharberri)
?dakiguna praktikatu nahi dugu, erabili nahi duenari lagundu nahi diogu, mintzatzeko lotsa galdu nahi dugu, herria euskalduntzen lagundu nahi dogu, hitz egiteko zailtasunak gainditu nahi ditugu, , auzoko euskaldunak ezagutu nahi ditugu, lagun taldea osatu nahi dugu, gustoko duguna eginez euskara lasai erabili nahi dugu, mintzatzeko lotsa galtzen lagundu nahi dugu, mendi-taldea osatu nahi dugu, inguruko euskaldunekin harremana izan nahi dugu, poteoan ibili nahi dugu, gure seme-alabekin euskaraz hitz egin nahi dugu, euskara elkarteko lagunak ezagutu nahi ditugu, herriko euskaldunon komunitatea antolatu nahi dugu, aisialdia euskaraz gozatu nahi dugu, euskaltegiko lagunekin kalean euskaraz aritu nahi dugu, euskararen aldeko boluntarioak izan nahi dogu, nahi duguna nahi dugunean egin nahi dugu, euskaldunon sarea josi nahi dugu, gure herriko aisialdi talde euskalduna osatu nahi dugu, euskaldunen arteko zubiak eraiki nahi ditugu, euskaldun bizi nahi dugu, inguruko herrietako jaietara joan nahi dugu, mintza egunean parte hartu nahi dugu, eskolako lanak egiten laguntzea nahi dugu, euskarazko aldizkariak irakurri nahi ditugu, zinemara joan nahi dugu, irakurzaleen txokoa antolatu nahi dugu, herri euskaldun batean bizi nahi dugu, irrati saio bat egin nahi dugu, bideo-jokoetan jokatu nahi dugu, entzun nahi dugu, ...
Euskaraz bizi nahi dugu eta zu gurekin egotea nahi dugu!
Nahi badozu? nahikoa da astean ordu bete libre izatea
Euskaraz mintzatzeko talde txikiak osatuko dittugu eta nahi badozu? parte har dezakezu
Den dena, koordinatzaile batek dinamizatuta.
??Izan zaitez euskararen boluntarioa!
(2010-07-20 10:28 zaharberri)
Noiz: 10-10-14 Ikasturte hasieran AED txokoan antolatuko da.
Ikasturteko lehen ekintza izango dugu dapositiba emanaldia. Goizean zein arratsaldean jende asko gerturatuko dela espero da; bai AEK-tik bai Udal euskaltegitik ere. Bidaia baten aurkezpena taldeko egin beharko dute.
Honela beharrekoa da aukeratutako argazki guztiak Zahar-Berriko e-mailera pasatzeko, horrela egunerako prest izateko.
Goizeko ekitaldia 9:30etan hasi da eta arratsaldekoa berriz 17:30etan. Agian arratsaldeko saioa motza gelditu da. Iraupena aurretik zehaztea komeni da.
(2010-07-16 10:38 BERBALAGUN)
Irailean ere berriz elkar ikusiko dugulakoan jaso ezazue agurrik beroena durangaldeko egitasmoetan ibili garen dinamizatzaileon aldetik!!!
(2010-07-16 10:36 BERBALAGUN)
Durangoko Merinaldearen Amankomunazgoaren babesarekin eta Elorrixoko euskara zerbitzuarekin elkarlanean, diaporama emanaldi interesgarri bat izan genuen Elorrion ekainaren 3an.
(2010-07-16 09:10 BERBALAGUN)
Durangaldeko Berbalagunek Ekainaren 19an egin genuen jaitxoarekin eta plateruenean egin genuen bazkari oparo batekin eman genion aurtengo edizioari bukaera.
Hala ere, honekin dena ez da bukatu eta berbalagun taldeetan ere afaritxoak, etab..prestatu zituzten ekainean zehar oporraldia ondo baino hobeto hasteko eta iraila-urrirako itzulia gogotsu hartzeko.
Hona hemen jaitxoaren lekuko rgazki bilduma?
(2010-07-15 00:20 gernikako berbalagun)
Portuondo gainean banatu genituen triptikoak.
San Antonio hondartzan berriketan.
Albumerako gehienon argazkia.
Busturira sartzen.
Trenak bere bidea behar duenez geure artaldea zatitu egin zuen.
Hara Torreren teoria zein den: "Aldatsa atzez igoz gero gutxiago nekatzen da"
Busturiko San Bartolomeko mahats-parrak.
Busturiko San Kristobalen atsedena hartu genuen, zeozertxo jan, edan ....
Horiek bai maletakadak, egun osorako irten zarete ala?
Makilak zertarako dituzue prest, ba?
Txiri-txiri, aurrera goaz.
Busturiko Altamira auzorantz hartu....
... eta ezkerretarantz basoan zehar Muruetarantza.
Bidezidor polita, ezta?
Ene, ene! zer pasatu da? hemendik ez gara joan behar.
Hor zoazenok alferriko bidea egingo duzue ba, atzerantza da!
Zirt edo zart egin beharko duzue, erratu egin zarete eta orain lehengo biderantz egin beharko duzue.
Hau bai hau! talde erdia galduta; non daude geure gidariak?
Desertorak hemen; aldaparik ez dutela igoko eta eskapan doaz.
Alferrik egindako metroak izan dira horiek, beherantza barik gorantza egin behar izan da.
Hemen okerreko bidea hartzearen errudunak.
"Txiki" gure gidariak ondo markatuta utzi du bidea, baina berbetan, berbetan... bidea erratu.
Bai Jon Mikel, hor dago seinalea, hortik segitu behar dugu.
Ai amatxue! orain eskalada tokatzen da.
Idia gu baino handiagoa da.
Gora, gora, gora.....
Lortu dugu, aurkitu dugu bide zuzena.
Bagoaz Forurantza.
Landa beldur barik gurutzatu eta ...
hara mailukiak zirian sartu eta Jon Mikelek nolako opari ederra egin zion Maitzari.
Zuok ere landa gurutzatu eta ...
"Torrek" denok pasatu ondoren ederto baten ixten ditu erramadak.
Forun inbernadero baten hara zer ikusi genuen, astoak.
Foruko herria, non dago AEK-ko barnetegia?
Forutik Gernika-Lumorantza. 
Hemen Urdaibai dorretxea edo Perrexil gaztelua.
(2010-07-15 00:12 gernikako berbalagun)
Hauek izan ziren dastatutako olioak: Huelvako Jabugoa, Vianako Ortigosa eta Toledoko beste bi Arbequina eta Picado azeituna motako olioak.
Olioaren ostean Ramon Bilbaoren Mar de Frades Albariņoaren txanda heldu zen. Hara Igor Bastek nolako boteila luzea ekarri zigun, litro eta erdiko "pijama".
Nahiko jan eta edan ostean kantuan aritu behar, ezta? 
Moises Enbeitak egindako bertsoetariko bat: Ramon Bilbao dastatuz, "txarra be ez dago ta"!, etorkizun onena, nahi dautsagu opa. Jasoz danok batera, eskuetan kopa, arbasoen omenez egin daigun topa.
[ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 ] Hurrengoa >
Sarrerak harpidetu
