Mintzapraktika
... Dantzatu mingaina!
Blog-en zerrenda Sartu!

Haritzaren hostoekin tailerra

(2015-05-28 20:43 gernikako berbalagun)

Ikastaro interesgarria Jose Fernandezek eman diguna. Ikasi dugu haritzaren hostoak zelan lehortu behar diren, zenbat denbora behar duten lehortzen; nolako hostoak komeni den batzea.
 Plantillak nola egin daitezkeen, ze material erabili horretarako, nola kokatu aukeratutako marrazkia hostoaren gainean.
 Irudimena duenak zeinen erraz egin ditzakeen plantillak!
 Ordu biko ikastaroan bakoitzak hosto batean edo bitan behintzat marrazkiak egin ditu.
Irakasleak, helburua beteta eta ordu bitan euskeraz eginda, pozik atera du argazkia ikasle aurreratuen ondoan.
Orain, ikasi eta gero, lagunei opariak egiteko astia hartzea baino ez dugu behar.

Sukaldaritza tailerra Sodupen. Kronika

(2015-05-28 18:51 enkarterriko berbalagun)





       Pasa den asteartean, maiatzak 26, sukaldaritza familian tailerra egin genuen Sodupeko kultur etxean. Bertan, gurasoek eta umeek pintxo eta postre gozoak prestatzeko aukera ederra izan zuten. Pintxoak eta postreak prestatzeaz gain dastatzeko parada ere izan genuen; ummmm...... ze gozo!!!
Hurrengoan ez utzi aukera pasatzen.

ESKERRIK ASKO HARA HURBILDU ZINETEN GUZTIEI!

Euskal eskola publikoaren jaia

(2015-05-28 17:15 enkarterriko berbalagun)

       Ekainaren 7an, igandea, Elgoibarrek Balmasedari hartuko dio lekukoa eta Euskal eskola publikoaren jaia antolatuko dute herri gipuzkoar honetan. Hori dela eta, Balmasedako Udalak autobusa antolatu du hara hurbiltzeko eta urtero egiten den jai honetaz disfrutatzeko. Autobusa goizeko 9:30ean bus geltokitik abiatuko da Elgoibarrerantz. Prezioa: 2 Euro.

Izena emateko: Mendiako AMPAn (Buzoian) edo Euskara Zerbitzuan (euskera@balmaseda.net /  946 800 000

ANIMATU ETA ETOR ZAITEZ GUREKIN!

Sukaldaritza ikastaroa Laudion

(2015-05-28 17:11 aiaraldea)

Maiatzaren 21ean Laudion sukaldaritza tailerra garatu zen.  Plater ezberdinak ikasteko aukera izan genuen; patata beteak, zainzuriak eta limoi mousse-a.

Hau da sukaldatu ondoren, emandako emaitza:


Beste argazkiak ikusteko klikatu hemen.

Sukaldaritza tailerra gurasolagunekin Laudion

(2015-05-28 16:47 aiaraldea)

Maiatzaren 20an, Laudioko gurasolagunak elkartu ziren enpanada gaziak eta gozoak egitera.
Guztiak oso gustura egon ziren sukaldatzen eta umeek pilo bat ikasi zuten.

Haien emaitza hona hemen:


Ekaineko agenda

(2015-05-28 16:31 meatzaldeko berbalagun)

 Hementxe duzue ekaineko agenda!! Ekintza piloa antolatu dira, animatu parte hartzera!!

Euskal erromerian ateratako argazkiak

(2015-05-28 13:28 gernikako berbalagun)

Pasa den asteartean "euskal erromerian", Pasialekuan, ateratako argazkiak dituzue hemen. Elai Alai dantzari taldeko Zirats, Leire eta Imanol izan genituen gidari, soinua jartzen, ostera, Segundo Olaetako Ana eta Maiteder irakasleak eta euren 7-8 ikasle. Makinatxu bat instrumentu ekarri zituzten gure belarriak gozatzeko eta hankak dantzan jartzeko.
Astegun buruzuria izan arren, bataz beste, dantzarako gogoa zuten 50 lagun inguru hurbildu ziren eta ikusle batzuk ere izan genituen.
 Hiru zatitan banatu genuen ekitaldia. Atsedenaldi txiki bi egin, eta horietan, zintzurra bustitzeko, sagardoa izan genuen.
Eguraldia ere lagun izan genuen, aterri behintzat.
 Marmutx, biribilketa, jota, arin-arina, ...
 Ostalerra, esku dantza, Lantz, ...
 Polka, 7 jauzi, Alunelu, ...
 Martxa, dantza korda, Marmutx, ...
 Eta gaueko 21:30ean, ekitaldiari amaiera emateko eta Foruko barnetegian dauden ikasleei agur egiteko, abestia, ...
 Xalbadorren Heriotzean denon artean abestu genuen.
Amaiera polita izan zen, hunkigarria.
 "Non hago? zer larretan, Urepeleko artzaina?
 ...hesia urraturik .....
Eskerrik asko Segundo Olaetakoei honelako une pozgarria, aberasgarria, ... -garri pasaraztearren. Datorren ikasturtean berriro!

Portugaleteko MINTZODROMOA gogotsu

(2015-05-28 12:19 ezkerraldeko berbalagun)

Atzo Portugaleteko MINTZODROMOA egin genuen.
Azkenean, eguraldi ona eta giro ederra.

Goizean 120 pertsona elkartu ginen, eta arratsaldean 60.

Hemendik aurrera, ezagutu ditugun berbaLAGUN berriekin egunero euskaraz. LOTSARIK GABE!

7 egun IV.Berbodromorako!!!

(2015-05-28 10:49 asier barruetabeña)

7 egun besterik ez, IV.Berbodromoa gure herriko kaleetara heltzeko. 7 egun besterik ez, euskara guztion artean plazara ateratzeko. 7 egun besterik ez, gure bizitza Berbodromoa bihurtzeko eta euskaraz bizitzeko. Hurrengo ostegunean IV.Berbodromoa ospatuko dugu eta zure parte hartzea behar dugu! Getxoko euskaldun zahar eta euskaldu berri guztiak Berbodromoan elkartuko gara eta zure zain egongo gara. […]

"Azukrea:goxo oso mingotsa" tailerra

(2015-05-27 17:06 enkarterriko berbalagun)

       
       Ekainaren 3an, asteazkena, Elikadura burujabetzari buruzko "Azukrea: goxo oso mingotsa" tailerra egingo dugu Balmasedan. Tailer teoriko-praktiko honetan azukreari buruzko jatorriaz eta guregana ailegatu arte egiten duen ibilbideaz ezagutzeaz gain modu aktiboan parte hartzeko parada izango duzue bertan planteatuko diren dinamiketan. Emakumearen etxean, arratsaldeko 18:30ean.

ANIMATU ETA PARTE HARTU!

Ekaineko Santurtziko agenda heldu da!

(2015-05-27 14:24 ezkerraldeko berbalagun)


Hitzaldia Ortuellan

(2015-05-27 12:25 meatzaldeko berbalagun)

Pozik hazi elkarteak euskara eta umeen heziketaren inguruko hitzaldi interesgarria antolatu du. "Ez dakigu euskara... Nola lagundu gure umeei?" Maiatzaren 22an, ostiralean, OKEn, 17:30ean Iñaki Eizmendi gizarte-hezitzaileak gure zalantzak argituko ditu:  Ondo ikasiko dituzte euskara eta gaztelania? Nola sortu hizkuntzen aldeko jarrera positiboak?

Hitzaldia Ortuellan

(2015-05-27 12:25 meatzaldeko berbalagun)

Pozik hazi elkarteak euskara eta umeen heziketaren inguruko hitzaldi interesgarria antolatu du. "Nola lagundu umeei etxerako lanak egiten, euskara ez badakigu?" Maiatzaren 29an, ostiralean, OKEn, 17:30ean  Iñaki Eizmendi gizarte-hezitzaileak gure zalantzak argituko ditu: Gurasoek euskara ez jakitea eragina izango du ikasketetan? Nola lagundu edukiak ulertzeko zailtasunak dituzten gaietan?

Haritzaren hostoak, tailerra

(2015-05-26 23:11 gernikako berbalagun)

Maiatzaren 28an haritzaren hostoetan, marrazkiak nola egin irakatsiko digu Jose Fernandez berbalagunak. Kultur etxean, arratsaldeko 6etatik 8etara izango da ikastaroa.
Parte hartu gura duenak eman dezala izena AEKn edo Aita Villasante Udal Euskaltegian.
Geuk egiteko opari politak nola egin ikas genezake. Erdu!

Zallako mintzodromoa. Kronika

(2015-05-26 16:42 enkarterriko berbalagun)






       Maiatzaren 21ean, osteguna, Zallako mintzodromoa egin genuen frontoian. Bertan berbalagunok eta AEK zein Udal euskaltegietako ikasleak eta irakasleak iritzi eta ideia ezberdinetako eztabaidetan #lotsarikgabe aritu ginen giro paregabean. Honetaz gain, aipatzekoa da Zuriñek egin zuen lana saioa bideratzen.

Eskerrik asko Zuriñeri eta hara hurbildu zineten guztioi. Onenak zarete!
 

[ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 - 23 - 24 - 25 - 26 ] Hurrengoa >

Sarrerak harpidetu Sarrerak harpidetu

Diseinu grafikoa: Di-da
Garapena: Bitarlan