Mintzapraktika
... Dantzatu mingaina!
Blog-en zerrenda Sartu!

"Ezetz jakin" lehiaketa

(2010-05-06 15:56 gernikako berbalagun)

Martxan dugu maiatzeko lehiaketa. Jaso diptikoa lehenbailehen betiko tokietan:
AEKn, Aita Villasante Udal Euskaltegian, liburutegian, kultur etxean, eskoletan, institutuetan, EPAn, hilabete honetako sari emalearen jatetxean (Zallo Barri jatetxean), kiroldegian, Segundo Olaeta Musika Eskolan, hainbat tabernetan, ... Jasotzeko azken eguna maiatzaren 28an izango da.
GALDERAK

1.- Don Tellok Gernika sortu zueneko zenbatgarren urtea bete da apirilaren 30ean?
2.- Gernika bonbardatu zutenetik zenbat urte bete dira?
3.-?Oteizaren Gernika? erakusketa noiz arte egongo da ikusgai Euskal Herria Museoan?
4.- Asteko zein egunetan du sarrera dohainik Euskal Herria Museoak?
5.- Gure eskualdeko zein herritan egingo da aurton Ibilaldia?
6.- Zein da aurtongo Ibilaldiaren leloa?
7.- Non egin da maiatzaren 2an Euskal Herriko Dantzari Eguna?
8.- Gure eskualdean, non du AEK-k barnetegia?
9.- Non du gaur egun ALDABAk egoitza?
10.-Zenbatero egiten du BERBALAGUNek mendi irteera?
11.-Zein ordutegi du Kultur Etxeak?
12.-Zein herritan egingo dute Busturialdeko Eskola Txikien VI. Jaia?
13.-Gatzatua edo mamia egiteko osagaiak?
14.-Gernikako Bakearen Museoan ekainaren seira arte ikusgai dagoen erakusketa: ?Hiroshima eta ---------?
15.-Maiatzean zein egunetan egingo du Berbalagunek Euskal Erromeria?
16.-Garbiguneak, eguneko eta pertsonako, zenbat kilo onartzen ditu?
17.-Non egingo da ekainaren 6ean Euskal Herriko Mintza Eguna?
18.-Zer da SLOW FOOD mugimendua?
19.-Eskualdeko zein idazlek sinatzen du Omar Nabarro izengoitiaz?
20.-Gernikan, zein jatetxetan antolatzen da hilero ?Poesia Txupito bat??
21.-Udalak non jarri ditu erabilitako tonerrak batzeko ontziak?
22.-?Nik buruan ez daukat bekokirik, ez daukat betilerik, baina hagin zuriak bai?, nor edo zer naiz?

EKAINAK 6, MINTZA EGUNA ARRASATEN!!!!

(2010-05-05 16:15 berriketan)

 

 

 

 

Aurten bosgarren aldiz ospatuko da Euskal Herri osoko mintzapraktika programetako kideak batzeko Topagune Euskara Elkarteen Federazioak antolatzen duen Mintza Eguna jai aparta. Aurreneko aldiz Iruñean ospatu zen 2006an, eta ondorengo urteetan Donostiaren, Getxoren eta Gasteizen txanda izan zen. Oraingoan, ordean, gure eskualdeak hartuko du lekukoa. Aurten, Arrasaten ospatuko dugu. Ekainaren 6an Arrasateko Alde Zaharreko kaleak Euskal Herri osoko mintzalagun, berbalagun, mintzakide eta solaskidez beteko dira.

 

Baina Mintza Eguna ez da besterik gabeko festa bat, helburu zehatzekin sortutako jaia da. Batetik, ospakizun honen bidez mintzapraktika egitasmoen tamaina eta zabalkundea eman nahi dira ezagutzera, era berean, tokian tokiko egitasmoetan parte hartzen duten paratideeei mugimendu bateratu baten kide direla ikusaraziz. Bestetik, mintzapraktikak duen aisialdiko alde ludikoa ere azpimarratu nahi da: mintzalagunek elkar ezagutzeko aukera paregabea baita Mintza Eguna, ikasturteari amaiera goxoa eskeintzeko modu bat.

Horrela, beraz, Arrasaten ospatuko den 5. Mintza Eguna dela eta, ekainaren 6an bazkari erraldoi bat izango da Herriko plaza nagusian. Baina aurretik, ongi etorria eta hamarretakoa egingo dugu kanpotik datozen  berbalagunekin. Ondoren, kalejira animatua ere izango da, Alde Zaharreko txoko bitxien inguruan azalpenak emango dituzten bitartean; eta azkenik, bazkari ostean, Kataia talde senegaldarraren kontzertua egingo da.

Ahaztu gabe, umorea, giroa, alaitasuna, betiko lagunak zein lagun berriak, Euskara eta ondo pasatzeko gainerako osagaiak ere bertan egongo direla. Beraz, animatu eta parte hartu, hori da egin behar den gauza bakarra.

Bestalde, atxikita bidaltzen dizuet Mintza Egunaren esku orria.

Azkenik, ziurrenik Eibar, Arrasate eta Bergara artean autobusa antolatuko da bertara hurbiltzeko, interesa duenak izen ematea zabalik dago.

 

EGITARAUA

11:00etan: Ongi etorria eta hamaiketakoa Biteri plazan

12:00etan: Ibilbide gidatua

13:30etan: Kalejira

14:30etan: Bazkaria Herriko plazan

15:30etan: Sari banaketa

16:00etan: Erromeria Kataia taldearekin

 

BAZKARIKO XEHETASUNAK:

Bazkari txartelaren prezioa 20?-koa da.

Menua: Patea, Paella, oilasko ?pilotak? eta solomoa, postrea, kafea + Kopa + Erromeria.

Izen ematea: Jardunen maiatzaren 21 baino lehen.

 Mintza eguna - txikia

 

 

 

Ipuin Kontalaria

(2010-05-05 11:09 meatzaldeko berbalagun)

Muskizko Goizale Eskaut taldearen urteurrena ospatzeko....Maiatzaren 13an, osteguna, 18:00etan, IPUIN KONTALARIA izango dugu Muskizko Gaztegunean.

Uxue Alberdi Meatzaldeko Irakurzale Klubean

(2010-05-05 10:59 meatzaldeko berbalagun)

Maiatzaren 12an, asteazkena, 19:0ean, Las Karreraseko Kultur Aretoan, Uxue Alberdi izango dugu "Aulki Jokoa" liburuaren inguruan aritzeko."Inork ez luke galtzetan pixa eginda hil nahi. Biluzik hiltzea baino okerragoa da hori, duintasun izpirik gabe. Nik, nola hil nahi dudan galdetzen didatenean, lore moreak dituen soinekoa jantzita erantzuten dut. Daukadan politena da".Umeen jolasa ez ezik,

Ekitaldiz beteriko hilabetea !!!

(2010-05-04 16:34 enkarterriko berbalagun)

Krisia atzean uzten ari garela dirudi... badator, azkenean, aukeraz beteriko agenda !!!

HERRI URRATS 2010

(2010-05-04 15:00 galdakako berbalagun)

Hurrengo igandean, maiatzaren 9an, Herri Urrats ospatuko da Senperen. Herri Urrats zer den ez dakizuenontzat hona hemen azalpentxoa:

1. HERRI URRATS, EUSKARA ETA IKASTOLEN ALDEKO FESTA

Herri Urrats, euskararen alde antolatutako festa da. Senpereko aintziraren inguruan egindako elkarretaratze bat, urtetik urtera harrera hobea izaten duena, eta ikastolen lagun eta euskararen babesleen hitzordu ezin hutsegina bilakatu dena.

Praktikan, Herri Urrats ibilaldi bat da, Senpereko aintziraren inguruan antolatua. Zirkuitoaren itzulia egitea (4 km) ez da nahitaezkoa. Zirkuitoaren inguruan, ostatuak jateko eta edateko, animazioak (antzerkia, dantzak, musika, txontxongiloak, jokoak, indar jokoak, erakusketak, liburu eta disko salmenta...) eta lasai egoteko tokiak aurkitzen dira.

Urtetik urtera kultur mailako elkarretaratze handienetako bat bilakatu da festa hau, Euskal Herrian, baita Akitania mailan ere. Milaka jende etortzen da zazpi probintzietatik, baita hurrunagotik ere, Senpereko aintziraren inguru xoragarrian egun alaitsu hortaz gozatzeko, eta euskararekiko atxikimendua erakusteko.


Festa hori Euskararen inguruko elkartasunaren adierazgarri da. Euskaldunak, euskaldun ez direnak, Europako eta Munduko bizilagunak... elkarretaratzen dira, festa tarteko eta giro onean, goraki esateko :

"HIZKUNTZA GUZIEK MUNDUAREN HONDARREA ABERASTEN DUTE"

"DOALA EUSKARA LAU HAIZETARA"

Ibilbidea eta egun honetako egitaraua:


IBILBIDEA

Lakuaren planoa

EGITARAUA:


ARABA

10:00 Katalanak
11:00 Herri Kirolak
12:30 Mutxikoak
13:30 Herri Urrats kantuz
15:00 La mal coiffée
16:30 Bizardunak
18:00 Xutik

GIPUZKOA

10:00 Poliki
10:30 ASCA
11:30 Poliki
12:00 KSI
13:00 Dantzaz
14:30 Ander Lipus
15:00 Capoeira liberdade
16:30 Tipul eta putil

LAPURDI

10:00 Bertsolariak
11:00 Pil Pil
12:00 Mikel hats
13:30 Xabier San Sebastian
15:00 Garen
16:00 Jean Mixel Bedaxagar-Mixel Aroce

16:30 Abolicao Capoeira
17:00 Salsa berde

NAFARROA

10:00 Bostgehio
11:00 Bertsolariak
11:30 Sorotan Babies
13:00 Anari
14:30 Mutxikoak
15:30 Zea Mays
16:30 Abolicao Capoeira
17:30 Zezenaren taldea

HAURREN XOKOA
11:00 Oinak arin
12:00 bertsolari gazteak
14:00 Goloka park
15:00 Kiki Koko Moko

IBILBIDEAN ZEHAR
Zo-Zongó
Hankaluzeak
Ziganteak
Txarangak
Dantza taldeak


AEKkarparen 10. edizioa

(2010-05-04 14:47 galdakako berbalagun)


Iruñeko Donibane auzoan kokatuta dago Irrintzi AEK euskaltegia, urtero jaialdia prestatzen dute bertako auzoko euskaldunekin karpa handi baten babesean. Aurten X. AEKkarpa eginen dute, hori dela eta, egitarau zabala prestatu dute. Goizean futbito, dantzari txikien topaketa, AEKolinpiadak, ardo feria, kantuz, mus txapelketa, bazkaria, kalejira eta bueltan dantzaldia eta kontzertua. Ederra ezta?


Egun horretan bertan, Iruñean ere, Kontseiluak manifestazioa deitu du Nafarroan euskaraz bizitzeko eskubidea lelopean. Aukera paregabea duzu biak uztartu eta egun osoko plana egiteko.

Info+: 948 27 41 60 edo mezua bidali


NAFARROAN EUSKARAZ BIZITZEKO ESKUBIDEA

(2010-05-04 14:45 galdakako berbalagun)


Nafarroako euskalgintzak, tartean AEK-k, maiatzaren 15ean Iruñean egingo den manifestaziora deitu du. Euskarak Nafarroan bizi duen egoerarekin kezkatuta eta Nafarroako Gobernuak euskararekiko duen kontrako jarrera salatzeko manifestazioa antolatu dute Euskararen Gizarte Erakundeen Kontseiluak, euskalgintzako kideek eta norbanako euskaltzaleek. Nafarroan euskalgintzan diharduten talde eta norbanako ugarik agertu diote babesa manifestazioari.

AEK-k ideologia guztietako nafar guzti-guztiei manifestazioan parte hartzera dei egiten die. Deialdiarekin bat egiteko klikatu hemen


IKASTARO ZAPARRADA!!!!

(2010-05-04 12:11 berbalagun)

Pasa den astean, betekada eder baten ostean, bukaera eman genion ogigintza eta pintxogintza ikastaroari. Jendeak, piloa ikasteaz gain (ezin imaginatu zer nolako pintxoak), asko gozatu zuen pintxoak egin osteko mahai-inguruetan. Izan ere, egindako guztia jan ahal izateko saio bakoitzeko afari "ofiziala" egin behar izan genuen. Eta, noski, han aritu ginen jan eta jan eta, kontu kontari. Balorazioa?

Udako ludoteka euskaraz

(2010-05-04 11:22 Sestaoko Berbalagunak)

Sestaoko Udalaren Euskara Sailak UDAKO LUDOTEKA antolatuko du 3-6 urte bitarteko herriko umeentzat, uztailean, Albiz ikastetxean eta 10:30-13:30era.

Matrikula 15 eurokoa izango da eta izena emateko epea zabalik egongo da maiatzaren 14ra arte (Euskara Saila, Castaños etxea, 2. sol.)

Informazio gehiago telefono honetan: 94 472 90 24.

MEATZALDEKO IRAKURZALE KLUBAREN AURKEZPENA!

(2010-05-03 19:50 meatzaldeko berbalagun)

Axola Euskara Elkarteak, Aiako Harria aurrez aurre izango du hurrengo mendi irteeran. Haiekin joan nahi duzu?Eguna - Maitzaren 8a, larunbata.Irteera ordua - 09,30akNondik - Gallartako AnbulategitikIbilbidea - Oiartzungo Arditurri parkea.Kalifikazioa - ErrazaDenbora - 3 orduBazkaria - Oiartzunen.Bueltako heltze ordua - 19.00ak.Prezioa - 22 euro (bazkaria barne).Informazio gehiago:In 94 636 94 47

Maiatzaren 22an Mendukilo kobazuloetan bisita gidatua

(2010-05-03 13:00 mintzakide)

Maiatzaren 22an, larunbata Mendukilo kobazuloetara joanen gara bisita gidatu bat egitera.
  • Eguna: Maiatzak 22, larunbata
  • Ordua:  09:30ean Berriozarko Decathloneko aparkalekuan.
  • Izena emateko epea: Maiatzaren 10a baino lehen.
  • Sarrera:
  • 7 euro 15 lagun baino gutxiago baldin bagoaz.
  • 5 euro 15 lagun baino gehiago bagoaz.
Aste honetako agenda:
Maiatzaren 4an, asteartean, HITZALDIA: ?Euskara munduz mundu?. Hanna Lantto, Hiromi Yoshida, Rosana Entizne eta Carlos Ciden eskutik. 19:00etan Baluarten, Paz de Ziganda ikastolak antolatuta.

Maiatzaren 4an, asteartearekin, Umore zikloa euskaraz: ?Irri, irri, ipuin pare bat?, Aitor Txarterinaren eskutik eta ?8 begi? Galder Perez eta Ana Zabalaren eskutik. 19:30ean Nafarroako Antzerki Eskolan. Doan.

Maiatzaren 5ean, asteazkenarekin, Umore zikloa euskaraz: ?Lau kontakizun? Pantzoa Irigarayren eskutik eta ?eZINIEMAn? Oihulari Klownen eskutik. 19:30ean Nafarroako Antzerki Eskolan. Doan.

Maiatzaren 6an, ostegunarekin, Umore zikloa euskaraz: ?Jose Zenon Ezina? Josetxo Azkonaren eskutik eta ?Hala mintzatu zen Zappatrusta? Ander Lipus eta Asier Ituarteren eskutik. 19:30ean Nafarroako Antzerki Eskolan. Doan.

Maiatzaren 7an, ostiralean, Umore zikloa euskaraz: ?Gaizki esaka? Reyes Ilintxeta, Txari Eleta eta Unai Lakoren eskutik eta ?Identité variable? Beste Aldekoak Asisko Urmeneta eta Peio Etxekoparren eskutik. 19:30ean Nafarroako Antzerki Eskolan. Doan.

Maiatzaren 7an, ostiralarekin, Irakurle-taldea: Unai Elorriagarekin solasean. 19:30ean Euskaldunon Biltokin.

Maiatzaren 7an, ostiralean, ANTZERKIA: ?Euskarazetamol? Ez dok Hiru Bikoteatroaren eskutik. 20:30ean Mutiloagoitiko Kultur Etxean. 2.5 ?. Arangurengo Euskararen astea.

Maiatzaren 7an, ostiralarekin, BERTSO-AFARIA Ainhoa Agirreazaldegi, Jokin Uranga, Iker Zubeldia. 21:30ean Antsoaingo Txinparta elkartean.

Maiatzaren 8an, larunbatarekin, EUSKARAREN EGUNA ORORBIAN. Ekitaldiak egun osoan barna.

Berbalagunok erlaxatuta

(2010-05-03 11:59 Sestaoko Berbalagunak)

Yoga egin eta gero, Sestaoko berbalagunok lasai-lasai geratu ginen. 15 lagun elkartu ginen Sestaoko AEKn eta Laura berbalagun eta yoga irakaslearen azalpenak eta agindutako ariketak egin genituen (eskerrik asko, Laura!).

Laura, zuriz jantzita, eta ikastaroko partehartzaileak

Lasaitasuna eskaini zigun yogak, baina, hurrengo egunean... gutako batzuk giharretako mina izan genuen hainbeste luzapen egin ostean, kar kar!! Hala eta guztiz ere, errepikatzeko moduko ikastaroa izan zen, ezta? Hurrengo ikasturtean, Laurak ahal baldin badu, berriro egingo dugu!!

Argazki gehiago ikusteko, egin klik hemen.

Ezkerraldeko mendilagunak Altipitatx mendira abiatuko dira!

(2010-05-03 11:44 Sestaoko Berbalagunak)

Mendilagunen hurrengo txangoa maiatzaren 9an izango da (igandea), eta aditu askoren arabera Bizkaiko mendi erakagarrienetako bati ekingo diote datorren irteeran: Altipitatx mendia hain zuzen ere. Orozkotik gertu kokatuta dagoen gain honek eskaintzen dizkigun ikuspegiak izateaz gain, naturarekin jarriko gaitu harremanetan Arratia haran ederrean murgilduko baikara.

Oraindik mendilagun ekimena martxan ote zebilen ez bazenekien, hauxe da zure parada Euskal Herriko txoko miresgarrienak euskaraz ezagutzeko. Txangora etorri edo mendilaguna izan nahi baduzu bidaliguzu email bat.

Berbalagun barbakoa !!!

(2010-05-03 10:22 enkarterriko berbalagun)

Zer: berbalagun barbakoa !!!
Noiz: Maiatzak 9, igandea, egun osoan zehar (Ordu zehatza konfirmatzeke)
Tokia: erabakitzeke, eguraldiaren arabera... (Aurrerago konfirmatuko dugu)
Menua: momentuz begetarianoentzako gauza gehiegirik ez, haragia eta haragia !!! ñam, ñam...
Izena emateko: 15 euro sartu, zuen izen abizenekin batera Euskadiko Kutxako kontu honetara: 3035 0090 60 0900023815 (nabari da berbalagunon artean bankaria dugula...).

< Aurrekoa [ 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21 - 22 ] Hurrengoa >

Sarrerak harpidetu Sarrerak harpidetu

Diseinu grafikoa: Di-da
Garapena: Bitarlan